Дәдебаев Ж.

Жанғара Дәдебаев - әл-Фараби атындағы Қазақ ұлттық университетінің 1975 жылғы түлегі, филология ғылымдарының докторы, профессор. Әдебиет сыншысы. Оның жеке авторлығымен 500-ден астам еңбегі жарияланды, ғылыми жетекшілігімен 20-дан астам кандидаттық және докторлық диссертация орындалды. Қазақстан жазушылар одағының мүшесі, ҚР Ұлттық жоғары мектеп ғылым академиясының, Халықаралық Жоғары мектеп ғылым академиясының, ҚР Білім академиясының, Халықаралық Айтматов академиясының академигі ретінде ол өзінің интеллектуалдық қуаты мен кісілік беделін білім мен ғылымның дамуы, қоғамның ұлттық және жалпы адамзаттық құндылықтарын қорғау, нығайту, байыту жолында жұмсауда. Жанғара Дәдебайұлы - тікелей өз зерттеулері, ұжымдық ғылыми жұмыстарды ұйымдастыру, сондай-ақ осы ғылыми жұмыстарға басшылық жасау арқылы жоғары мектеп ғылымын инновациялық жетістіктермен байытқан, байытып келе жатқан көрнекті ғалымдарымыздың бірі. Ол өзінің үлгілі еңбегімен, қоғамдық және ғылыми-педагогикалық қызметімен жоғары білім мен ғылымның дамуына зор еңбек сіңірді.