Халық даналығы «Жүзден – жүйрік, мыңнан – тұлпар» дейді. Тарихта көптеген ұлы адамдар бар, бірақ олардың арасында мыңдаған жылдар бойы есімдері бүгінгі күнге дейін жеткен адамдар аз. Олардың қатарында Отырар ойшылы, қазақ даласының тумасы Әбу Насыр Әл-Фарабидің бірегей тұлғасы бар. Ол өз заманында белгілі барлық ғылымдар бойынша мұра қалдырған энциклопедиялық ғалым, данышпан философ, талантты математик, астроном, музыка теоретигі, алғашқы ағартушы, шығыста тұңғыш рет конструктивті  педагогика жүйесін жасаған,  ежелгі грек философы Аристотельдің алғашқы комментаторы ретінде танымал болған екінші ұстаз. Жарты ғасырға жуық уақыт бойы, 1975 жылдан бастап, алғаш рет әлемдік деңгейде ЮНЕСКО қамқорлығымен Әл-Фарабидің 1150 жылдығына арналған мерейтойлық іс-шаралар өтті, біздің елімізде және шетелдерде Әл-Фарабидің рухани және ғылыми мұрасын зерттеу бойынша зерттеулер жүргізілуде. Фарабитану саласындағы барлық жетістіктерді жинақтаған  және Ұлы бабамыздың 1150 жылдық мерейтойы қарсаңында жарық көрген алғашқы энциклопедия қазақстандықтардың жас ұрпағына рухани және құндылық бағдарларын табуға көмектеседі деп сенеміз.