Бұл монография Еділ батырға (Аттилаға) қатысты Батыс Еуропадағы айналымда жүрген негізгі зерттеулер мен тарихи кезеңдерге және хун королінің адамзат тарихы мен мәдениетіндегі алатын орнына арналған. Хун империясы және оның аты шулы королі Аттиланың әлем әдебиетінде, драматургиясында, музыкалық шығармаларында, бейнелеу және мүсін (скульптура) өнеріндегі бейнесі алғаш рет жан-жақты қамтылған еңбек. Кітапта хун мәдениетінің адамзат тарихындағы маңызы түбегейлі зерттелген. Хундар мен қазақ халқы арасындағы этнографиялық байланыстарға кең көлемде талдау жасалған. Автор өз тұжырымдарында әлем өркениетіндегі хундардың мәдениеті мен зергерлік өнерінің алатын үлесі, әсіресе полихром стилінің маңызына қатысты зерттеулер жүргізген. Қазақ тарихында алғаш рет толық көлемде жарық көрген бұл еңбек тек тарихшыларға, филологтарға (романистер мен германистерге) ғана емес, сондай-ақ халық эпосы мен фольклорды, философияны және дін тарихын зерттеушілерге арналған.