Оқу құралында вирустардың классификациясы мен құрылымына, генетикасы мен репродукциясының ерекшеліктеріне жəне табиғаттағы рөліне негізделген суреттер мен сызбалар берілген. Оқу құралының бұл түрі мəліметтер мен ақпараттардың тиімділігін жоғарылату мақсатында қолданылады. Иллюстрациялық оқу құралы Қазақстанның заманауи жоғары білікті мамандарын мемлекеттік қазақ тілінде жəне орысша, ағылшынша тілдерінде дайындау саясатына қарай үш тілде берілген. Қазіргі таңда ғылыми əдебиеттерде «компьютерлік вирусология», «компьютерлік фагтар» деген терминдер жиі-жиі кездесетін болды. Компьютерлік вирустарды табиғи вирустарының аналогы деп санауға болады ма деген сұрақтар туындап жатқандықтан, кітапта компьютерлік вирусологияға да қысқаша шолу келтірілген. Оқу құралы биология жəне медицина мамандықтары бойынша оқитын студенттерге, магистранттар мен докторанттарға, сонымен қатар оқытушылар, ғылыми қызметкерлер жəне микроəлем өкілдерінің ерекшеліктерімен танысқысы келетін барлық оқырмандарға арналған.