Бұл кітап тарих ғылымдарының докторы, профессор, Халықаралық педагогика ғылымдары академиясының академигі, ҚР білім беру ісінің құрметті қызметкері Өмірзақ Озғанбаевтың өнегелі өмір жолы мен шығармашылығына арналады. Кітапқа оның ұлттық мемлекет құру жолында күрескен Алаш арыстарының ерліктері мен тәуелсіздік туын тіккен жаңа Қазақстанды қалыптастырудағы Елбасының ерен еңбегі жөніндегі зерттеу мақалалары, мұрағат құжаттары мен фотосуреттері еніп отыр. Сондай-ақ ұстаз-ғалымның отандық білім мен ғылымға қосқан үлесін, қайраткерлік қырын, адами болмыс-бітімін танытатын әріптес-шәкірттері мен дос-жарандарының ыстық ықыласқа толы естеліктері жинақталған.