«Тарихи-и Рашиди» шығармасының қазақша аудармасы Душанбе, Ташкенттің қолжазба нұсқалары және Теһранда жарық көрген А. Ғаффарифәрдтың текстологиялық еңбегі негізінде жасалған. Шығыстанушы И. Жеменейдің 2014 жылы Тараз мемлекеттік университетінде жарыққа шыққан парсы тіліндегі текстологиясы мен Табатабаи университетінің ғалымы Беһруз Бабаимен бірлесіп, Иран-Қазақстанда жаңадан жарық көрмек басылымы бойынша толық нұсқасы ұсынылды. Бұл ғалымдарға, тарихсүйер қауымға, дінтану, филология, психология, философия, география, этнография, саясаттану, тіл және т.б. салалардағы зерттеушілерге берері мол еңбек болмақ. Кітапта алғаш рет адам есімдері, жер-су аттары түгелдей қазақ әліппесінің таңбасы бойынша транскрипцияланды.