«Үзілмеген үміт» – Қазақстан аумағында атом бомбасын сынақтан өткізіп, ауа мен топырақты былғаған, қара Ертістің мөлдірін улаған, ұлт саулығына нұқсан келтірген коммунистік жүйе, адам тағдырын табан астына салған атом технологиясына ұмтылған беймаза ғасыр әкелген індет жайындағы «Қасірет пен Тағдыр» романының екінші кітабы. Оқырманы әрбір шығармасын асыға күтетін жазушы, ҚР Еңбек сіңірген қайраткері Сәуле Досжанның бұл романы да психологиялық шым-шытырық оқиғаларымен, мистикалық ғажайыптарымен жан-дүниеңізді бей-жай қалдырмасына сенімдіміз. Бұл кітапта бас кейіпкер Аяулымның ұлы Сұңқар ер жетіп, өз тағдыр жолында маңдайына жазылған арманы мен қиындықтарын, бір кісідей көре келе, Сізді де өз оқиғаларының арасына ілестіре жөнеледі. Роман көпшілік оқырманға арналған.