Бұл оқу құралында əл-Фараби жəне қазақ халқының рухани мұрасының арасындағы тарихи-философиялық, мəдени байланыстары зерделенген. Сонымен қатар ұлы дала өркениетінің данышпан ойшылдарының саяси-əлеуметтік көз қарастары мен философиялық ой-тұжырымдары жан-жақты қарастырылған. Оқу құралын қалыптастыру барысында қазақтың əлеуметтік-философиялық ойының тарихта сан қырлы сипатта көріну формалары ескеріліп, сараптаудан өткізілді. Кейбір бөлімдер тарихи тұлғалардың дараланған дүниетанымындағы ерекшеліктерін ашып көрсетуге арналса, біршама бөлімдерде қазақ халқының рухани əлеміндегі айрықша белгілерге философиялық сипаттамалар беріледі. Бұл еңбектің мəтіні қазіргі заманның барлық талаптарына сай жаңа əдіснамалық ұстанымдарға сүйеніп жазылған жəне оқушы қауымға салыстырмалы-теориялық тұрғыдан көмегін тигізетін мақсаттарға негізделген. Оқу құралы гуманитарлық ғылымдар саласында оқитын бакалавриаттарға, магистранттарға, докторанттарға арналған.