Ономастиканың теориясы мен практикасы алғаш рет қазақ тіл білімінде толық қамтылып, оқу құралы түрінде ұсынылып отыр. Құралда ономастиканың қалыптасуы мен даму тарихы, зерттеу аспектілері мен əдістері, сонымен қатар ономастиканың өзегі болып табылатын антропоним, топоним, космонимдермен қатар шектік өрістегі онимдер сипатталған. Оқу құралы Ономастика теориясы, Тіл біліміне кіріспе, Жалпы тіл білімі, Тіл теориясы, Лингвомəдениеттану, Этнолингвистика, Лексикология мен Лексикография, Лингвистикалық семантика жəне басқа филологиялық пəндерді оқытуда өте пайдалы. Кітап студенттер мен оқытушыларға, тіл мамандары, ғалымдарға, сонымен бірге ономастикаға қызығушыларға арналған.